काठमाडौँ । लोकतान्त्रिक समाजवादी पार्टी (लोसपा) का महासचिव डा. सुरेन्द्र झाले 'जेन जी' पुस्ताले चलाएको आन्दोलनलाई पूर्ण समर्थन गर्न पार्टीका नेता तथा कार्यकर्ताहरूलाई आह्वान गरेका छन्।  भदौ २६ गते एक प्रेस नोट जारी गर्दै उनले आफ्नो पुस्ताले सुरु गरेको परिवर्तनको संकल्प अधुरो रहेकोले अहिले जेनजी पुस्ता आन्दोलित भएको बताएका हुन्। महासचिव झाले भ्रष्टाचार निर्मूल गर्ने जेनजीको संघर्षलाई समर्थन गर्दै आवश्यकता पर्दा आम नागरिकलाई सहयोग गर्न पनि पार्टी कार्यकर्तालाई आग्रह गरेका छन्। उनले लोसपा र अन्य राजनीतिक दलका नेताहरूलाई निरन्तर सम्पर्कमा रहन र अराजक गतिविधि देखिएमा सुरक्षा निकायसँग समन्वय गर्न सुझाव दिएका छन्। प्रेस नोटमा उनले नेपालको संविधान-२०७२ अझै कायम रहेकोमा जनतालाई विश्वास दिलाइरहन आग्रह गरेका छन्। सङ्घीयता, गणतन्त्र, बहुदलीय प्रतिस्पर्धा, प्रेस स्वतन्त्रता, स्वतन्त्र न्यायपालिकालगायतका उपलब्धिहरू...

काठमाडौँ । मुख्य राजनीतिक दल र सरोकारवाला पक्षहरूले खोजी गरिरहँदा राष्ट्रपति रामचन्द्र पौडेलले बिहीबार एक विज्ञप्ति सार्वजनिक गरेका छन् । जेनजी आन्दोलनका क्रममा भदौ २४ गते राष्ट्रपति कार्यालय शीतलनिवास जल्ने समयमा कार्यालयबाट बाहिरिएपछि पौडेल सार्वजनिक रुपमा देखिएका छैनन् ।  प्रधानमन्त्री केपी शर्मा ओलीको राजीनामा स्वीकृत गरेपछि धेरैले राष्ट्रपति पौडेलबाट राष्ट्रको नाममा सम्बोधन आउने अपेक्षा गरेका थिए । तर, बिहीबार मात्र राष्ट्रपति पौडेलले एक विज्ञप्ति जारी गरेका छन् । विज्ञप्ति जारी गर्दै पौडेलले मुलुकको वर्तमान विषम परिस्थितिमा सबै पक्षलाई संयमता अपनाउन आग्रह गर्दै शान्ति र सुव्यवस्था कायम गर्न सहयोगको लागि अपिल गरेका छन्। उनले देशलाई संवैधानिक दायराभित्र रहेर निकास दिने प्रयास भइरहेको जानकारी दिएका छन्।  राष्ट्रपति पौडेलले मुलुकमा लोकतन्त्रको संरक्षण गर्न र शान्ति कायम राख्नका लागि आफूले...