काठमाण्डौं । प्रशस्त कटनी मण्डली पोखराका पास्टर केशवराज आचार्यलाई धर्म परिवर्तनको मुद्धामा जिल्ला अदालत डोल्पाका जिल्ला न्यायाधिश केशबराज चपाईको इजलासले २ वर्ष जेल कैद र २० हजार रुपैया जरिवानाको फैसला सुनाएको छ ।
आज मंगलबार धर्म परिवर्तनको मुद्धामा डोल्पा जिल्ला अदालतका माननीय न्यायधीश केशवराज चपाईको एकल इजलासले २ वर्ष जेल कैद र २० हजार रुपैया जरिवानाको फैसला सुनाएको हो ।
धर्म परिवर्तनको मुद्धामा डोल्पा जिल्ला अदालतका माननीय न्यायधीश केशवराज चपाईले गरेको फैसलाले अल्पसंख्यक धार्मिक समुदायमाथिको दमन , विचार अभिव्यक्तिको स्वतन्त्रता नभएको र घोर अन्याय भएको जनजागरण पार्टी नेपालका केन्द्रिय अध्यक्ष डा.बि. पी. खनालले टिप्पणी गर्नु भएको छ ।
कास्कीको पोखरास्थित प्रशस्त कटनी मण्डलीका पास्टर आचार्यलाई पोखरा महानगरपालिका-२९ पावर हाउसबाट धर्मको नाममा कोरोना भाइरसबारे भ्रामक सन्देश फैलाएको भन्दै कास्की प्रहरीले गत २०७६ चैत्र ११ गते पक्राउ गरेको थियो । भने कास्की जिल्ला अदालतबाट गत २०७६ बैशाख ३१ गते धरौटीमा रिहाइ भएका आचार्यलाई मुलुकी अपराध संहिताको दफा १५८ को धारा १ र २ बमोजिम २०७७ जेठ ११ गते धर्मपरिवर्तन सम्बन्धि मुद्धामा पक्राउ गरेर प्रहरीले डोल्पा पु-याएको थियो ।
