काठमाडौं : काठमाडौं महानगरपालिकाका प्रमुख बालेन साहले दिगो रूपले मेलम्चीको खानेपानी ल्याउन स्थानीयसँग सहकार्य गर्न केन्द्र सरकारलाई आग्रह गरेका छन्।
सोमबार उनले सामाजिक सञ्जालबाट केन्द्र सरकारको एकलौटी निर्णय र कामका कारण हालसम्म मेलम्ची खानेपानी दीर्घकालीन रूपमा ल्याउन नसकिएको उनको टिप्पणी छ।
उनले भनेका छन्,‘हामी आलोचना मात्र गर्न चाहन्नौँ, यति चाहन्छौँ, बाह्रै महिना चौबिसै घण्टा पानी आओस्, हरेकपल्ट भन्ने गरेका छौँ, हामी केन्द्र सरकारसँग सहकार्य गर्न चाहन्छौं, यो मौका दिनु हुनेछ भन्ने आशा लिएका छौँ, सहकार्यबाट दिगो परिणाम ल्याएर भन्न पाइयोस्, हाम्रो मन साच्चै नै जित्नुभयो भनेर।’
मेलम्ची खानेपानीमा पटक-पटक उद्घाटन गरिएपछि यसकाे चौतर्फी आलोचना भएको छ। आज पनि प्रधानमन्त्री पुष्पकमल दाहाल ‘प्रचण्ड’ले उपत्यकामा पुन: पानी वितरणको लागि उद्घाटन गरे पछि पानी वितरण गरिएको छ।
