काठमाडौँ । प्रधानमन्त्री पुष्पकमल दाहाल प्रचण्डले सरकारले गरेको राम्रो कामको वनरसिप लिन कांग्रेस नेताहरूलाई नडराउन अपिल गरेका छन् । सोमबार कांग्रेसले राष्ट्रिय मेलमिलाप दिवसका अवसरमा आयोजना गरेको कार्यक्रमलाई सम्बोधन गर्दै प्रधानमन्त्री प्रचण्डले आफूबाटै सरकारको कार्यशैलीमा अझ सुधार गरेर जाने प्रक्रिया थालिसकेको बताए ।
‘सरकारले गरेको राम्रो कामको वनरसिप लिन डराउन पनि भएन । प्रचण्ड योपटक अलि सानो पार्टीको नेता कताकताबाट प्रधानमन्त्री भयो भनेर नेपाली कांग्रेसले सरकारले गरेका राम्रा काम खुलेर समर्थन गर्ने र स्वामित्व लिन डराइदिने भएन’, प्रचण्डले भने, ‘हिच्किचाइदिन भएन मेरो यो एउटा अपिल छ ।’
उनले आफूले केही जोखिम उठाएर नै काम गरिरहेको भन्दै यो गहिराइलाई बुझिदिन आग्रह पनि गरे । उनले सरकारले गर्त वर्ष पनि केही राम्रा काम भएको भन्दै नागरिकता, मिटर ब्याज, विदेशमा भएका नेपालीलाई सामाजिक सुरक्षा कोषमा समेट्ने जस्ता धेरै राम्रा काम गरेको बताए ।
