२५ भदौ, काठमाडौं । राष्ट्रिय स्वतन्त्र पार्टीकी सांसद अंकिता ठाकुरले पैसा नभएर महिलाले सडकमै बच्चा जन्नाउनुपर्ने अवस्था भयानक र कारुणिक कथा भएको बताएकी छन् ।
‘जहाँ पैसाले आस र सास तय गर्छ त्यहाँ अस्पताल, अस्पताल रहँदैन। सौदाबाजीको पसल बन्छ’ उनले भनिन्। राजविराजस्थित गजेन्द्रनारायण सिंह सगरमाथा अस्पतालले भर्ना नलिएपछि स्थानीय एक महिलाले फुटपाथमै बच्चा जन्माएको घटनाबारे जानकारी गराउँदै उनले संसद्मा यस्तो बताएकी हुन् ।
‘भाषण होइन, हाम्रै राज्य प्रणालीले लेखेको एउटा भयानक र कारुणिक कथा सुनाउन उभिएकी छु’ उनले भनिन् ।
राजविराज नगरपालिका–१४ पर्साही बस्ने हरेराम पासवानकी श्रीमती बबिता पासवानले पैसा नभएका कारण फुटपाथमै बच्चा जन्माउन बाध्य भएकी हुन् ।
