सुर्खेत । इसाई समाज सुर्खेतको आयोजनामा सुर्खेत जिल्ला भरिरहेका मण्डलीहरुबाट राहत संकलन गरि इसाई समाजले नगरपालिका र गाउँपालिकाहरुमा राहत हस्तान्तरण गरेको छ ।
कोभिड १९ कोरोना भाईरस संसारभर महामारीको रुपमा फैलिरहेको दयनिय अवस्थालाई मध्यनजर गर्दै नेपाल सरकारद्धारा जनतालाई यो महामारीबाट बचाउन घोषणा गरिएको लकडाउनको कारण दैनिक मजदूरी गरी बिहान बेलूकी छाक टार्ने अवस्थाका मानिसहरुलाई प्रत्यक्ष रुपमा गाह्रो परेकोले सो राहत रकम इसाई समाजले प्रकोप व्यवस्थापन कोषमा जम्मा गरिदिएको हो ।
सुर्खेत जिल्ला भरिका चर्चहरु बाट जम्मा रु ५३०,४०० राहात सङकलन रकम मध्ये राहात कोषमा जम्मा गर्ने क्रममा विरेन्द्रनगर नगरपालिकाको कोषमा रु २१०५०० । पञ्चपूरी नगरपालिकाको कोषमा रु ५१००० ।, चौकने गाउँपालिकाको कोषमा रु २५००० ।, लेकबेशी गाउँपालिकाको कोषमा रु ६८००० ।, बराहाताल गाउँपालिकाको कोषमा रु ५०००० ।, भेरीगंगा नगरपालिकाको कोषमा रु ६०००० । त्यसैगरी गुर्भाकोट नगरपालिकाको कोषमा रु ६५९०० गरी नगरपालिका र गाउँपालिकाहरुलाई रु ५३०४०० । जम्मा गरिदिएको छ । विरेन्द्रनगर नगरपालिकाको कोषमा जम्मा गरिदिएको भौचर लिएर आज इसाई समाजका पदाधिकारीहरु नगरपालिकामा पूगेर उपमेयर मोहनमाया भण्डारी (ढकाल) लाई भेटी राहत जम्मा गरेको भौचरलाई इसाई समाज सुर्खेतका अध्यक्ष तथा बेथेल चर्चका पाष्टर रेभ. पा पदम गैरेले हस्तान्तरण गर्नुभयो ।
राहत हस्तान्तरण तथा भेटघाटमा इसाई समाज सुर्खेतका अध्यक्ष रेभ.पा पदम गैरे, सह अध्यक्ष पा. नविन दर्लामी, उपाध्यक्ष पा. ज्ञान गुरुङ , उपाध्यक्ष पा. गोमन बस्याल , सचिव रेभ. पा पुर्ण बर्देवा सदस्य पा.शिव परियार र निस्सी एजि चर्च का अगुवा दिल बहादुर चौधरिको उपस्थिती रहेको थियो भने नगरपालिकाको तर्फबाट उपमेयर मोहनमाया भण्डारी (ढकाल), प्रमूख प्रशासकिय अधिकृत टिकाराम ढकाल र लेखाअधिकृत हरि बहादूर क्षेत्रीको उपस्थिती रहेको थियो । राहत जम्मा गरेको भौचर हस्तान्तरण पश्चात उपमेयर भण्डारीले विश्व नै अहिले कोरोना महामारीले आतंकित भएको बेला यसरी सरकारसँग हातेमालो गरी लकडाउनको कारण धेरै स्थानिय नागरिकहरुको बिहान बेलुकी छाक टार्ने अवस्थाको खाँचो पुर्ती गर्नको लागी पहल गर्नुभएको लागि इसाई समाज सुर्खेत लगायत सम्पूर्ण नेपाली मण्डलीलाई धन्यवाद दिनुभएको थियो ।
इसाई समाजका अध्यक्ष पदम गैरेले आउँदा दिनहरुमा पनि स्थानिय सरकारसँग सधै सहयोग र हातेमालो गर्न तत्पर रहेको बताउनुभएको थियो । साथै नेपाल ख्रीष्टियन समाज केन्द्रिय समितिका महासचिव पा. डिल्लीराम पौडेलले संसारभर फैलिरहेको कोरोना भाइसको महामारीको असर नेपालमा पनि देखिरहेको अवस्थामा सुर्खेत इसाई समाजले स्थानिय सरकारलाई गरेको सहयोगको उच्च प्रशंसा गर्दै नेपालभरका विभिन्न ख्रीष्टियन संघसंस्था र नेपाली मण्डलीलाई यस्तो अवस्थामा नेपाल सरकारलाई आ आफनो स्थानबाट सक्दो सहायता गर्न अपिल गर्नुभएको छ । Photo/News Source: hamropusta Online
